مازرون بلاره...
به مناسبت روز جهوني موزه و همين تي هفته ميراث فرهنگي،برنامه هاي نمايشي گروه آييني زندگي،ساري دله برگزار بونه/اين برنامه شامل نوروز خونی، آیین آفتاب خواهي،نمایش لال انه یا تیر ما سیزده، لالایی، بازهای آهنگين سکون و وچون،همين تي موسیقی مازندرونی هسه.(خور به زوون مازندروني)
علي حسن نژاد-شاعر و سرپرست گروه آیینی زندگی-مازندنومه ره بهوته:به مناسبت روز جهانی موزه و هفته میراث فرهنگی،همين تي حفظ و احیاي آداب و رسوم مازروني وسه،اين گروه مجموعه برنامه های آیینی-نمایشی ره برگزار کنده.
اين پژوهشگر فرهنگ عامه بهوته:اين برنامه شامل نوروز خونی، آیین آفتاب خواهي،نمایش لال انه یا تیر ما سیزده، لالایی، بازهای آهنگين سکون و وچون،همين تي موسیقی مازندرونی هسه.
حسن نژاد با بهوتن اين نکته که موسيقي اين گروه وسایل زندگی جا،سون قاشق،کچه، لگن،استکان و... اجرا بونه،اضافه هاکرده:اما وسايل شه دور و بر و زندگي مردم جه به عنوان ساز استفاده کمبي که نشون دنه موسيقي مردم مازندرون قدمت دارنه و تاريخي هسه.
سرپرست گروه آييني زندگي،مازندنومه ره بهوته:اين برنامه دله به وسيله خرده وچون،لالایی های محلي بخونس و زندگی قدیم مردم مازرون شامل چل ریسی و چاووش خوانی و آيين هاي ديگه بازسازی و اجرا بونه.
خاره بدونين که زمان برگزاري اين برنامه فرهنگي دشنبه،دوم خرداد ماه، ساعت 5 نماشون و مکان اجرا هم ساری،میدان ساعت،چهار برق، کلبادی سره هسه.
- جمعه 2 مرداد 1394-18:32
شمی خنا بدون .... خامب بوو چیس اتا وبسایت که اتا اتا ون گب مازرونی درس نکنی ؟؟؟؟؟؟؟؟؟ و یتا دونین امی زوون در کور کوشم بون(نابود) خار دونین کجورسی هرسامی؟؟؟
- يکشنبه 1 خرداد 1390-0:0
شِمه خدمت سلام عرض کِمّه، و خَله خوشحال بَیمه که خَو ِر به زوون مازرونی ر ِ ایجاد هاکِردِنی، این پیشنهاد ر ِ 5 - 6 ماه پیش شِمه خدمت عرض هاکِردِمه که به سرانجام بَر ِسیه، خَو ِر به تبری زوون ر ِ ویشتــِر هاکِنین، شِمه خِنا بــِدون.
- يکشنبه 1 خرداد 1390-0:0
من ته دور بردم که دم زنون درس هاکردی!
اون قدیما که اما یلاق -مازرون کردمی دسه منزل دم زومی که خارخون بیو - سرخ کلا تپه و طالع و خلاصه سه روز راه دیمی تا برسیم اوریم....! اسا بوگذریم که پاک دشتی بیمی و یلاق هوا اماره
ناخش کنده امبا این بی صاحب بئی دل وختی کوچ بکشین گدر بونه خدا سر شاهده هشوش انه و مره تو گیرنه!!
من شسه بمیرم که درمه قلم جا دفتر دله دلینگ دلینگ دمبه ولکه سوک بواشم امبا به سر خدم قسم و به اون زیراب عبدلق اگه درو بوم که تا اته خور اشتومبه مثل همینتا که شما بنویشتنی مه چش اسری کفنه....! ندومبو چدومبو کجه خامبه بورم و پاک گج بیمه اروای مه مار
خلاصه خش به حال اونانی که شونه این برنامه ره وینه....من که تیرون درمه ونه
بورم دکتر...اخه (ناخش حالمو افتاب لب
بوم ) ایشالا خش بوگذره شمه بلا مه دل - يکشنبه 1 خرداد 1390-0:0
برار دمت گرم...حال هدایی!خور مازندرونی بوه خجیر بونه،ای این کارها ره هاکن.ته فدا
- يکشنبه 1 خرداد 1390-0:0
بنویشتن خور به زوون مازرونی نشون دنه که مازندنومه نسبت به مازرون فرهنگ متعهد هسه امیدوارمه این حرکت ویشتر بوو و دیگه خورگزاری ئون هم ونه جا استقبال هکنن.
گزارش کنگره زبان‌شناسی اوراسیا 
نخستین نمایش فیلم مستند کارگردان مازندرانی در سینما حقیقت؛ 
دربارۀ استاد «فردوس مجیبی» 
نویسنده و پژوهشگر فرهنگ عامه مطرح کرد: 
