چهارشنبه 12 خرداد 1389-0:0
بي ته دنيا مه زندونه بلاره
...اگه دنياي خشي مه بووشه / جان مار گرم کشه نوونه (در آستانه روز مادر؛شعر مازندراني از شعبان نادري رجه،شاعر سوادکوهي)
ته دسه هيمه و رسن بورده / ته قد نشا و خرمن بورده
اتا دم راحت دنيا نکردي/ ته عمر صحرا بتتن بورده
لالالالا خسه تن بلاره / شه مار بوي پيرن بلاره
ته مه گره دايي توئه بلاره / ته شو مسه نشي خوئه بلاره
مسه لالا خوندسي تا صواحي / مسه داشتي آرزوئه بلاره
لالا دل دارنه ارمونه بلاره / بي ته دنيا مه زندونه بلاره
ته دوش مشته هيمه، من ته بلاره / ته دس پره پينه، من ته بلاره
يا نشاء کردي يا مال په دئي / ته سر ا تن خسه، من ته بلاره
لالا چش مشته اسري بلاره / ته مه دنياي خشيه بلاره
افتاب ته دل گوشه نوونه / بهار ته دسه ونوشه نوونه
اگه دنياي خشي مه بووشه / جان مار گرم کشه نوونه
لالالالا شه غمخواره بلاره / اسا ونه تن نخاره بلاره